ປະຕິບັດນະໂຍບາຍ, ຍຸດທະສາດ, ກົດໝາຍ ແລະ ນິຕິກຳລຸ່ມກົດໝາຍຂອງລັດຖະບານ, ກະຊວງ ແລະ ມະຫາວິທະຍາໄລແຫ່ງຊາດ ວາງອອກ ໃຫ້ໄດ້ຮັບຜົນດີ;
ຫັນເອົາແຜນການ, ແຜນງານ ແລະ ໂຄງການຂອງສູນມາເປັນໜ້າວຽກລະອຽດຂອງໜ່ວຍງານຕົນ ພ້ອມທັງຄົ້ນຄວ້າແຫຼ່ງທຶນ ຈັດຕັ້ງປະຕິບັດໃຫ້ມີປະສິດທິຜົນສູງ;
ສ້າງແຜນການເຄື່ອນໄຫວໃນວຽກງານຂອງໜ່ວຍງານ ປະຈໍາເດືອນ, 3 ເດືອນ, 6 ເດືອນ ແລະ ປະຈໍາປີ ພ້ອມທັງປະເມີນຜົນ ແລະ ສະຫຼຸບລາຍງານຜົນການຈັດຕັ້ງປະຕິບັດວຽງກງານໃຫ້ອຳນວຍການສູນ ຢ່າງເປັນປົກະຕິ;
ຂື້ນແຜນງົບປະມານ ຈັດຊື້-ຈັດຈ້າງ ວັດສະດຸ, ອຸປະກອນ ແລະ ເຄື່ອງມື ຮັບໃຊ້ການທົດລອງທີ່ກ່ຽວ ຂ້ອງ ໃຫ້ຖືກຕ້ອງຕາມເປົ້າໝາຍ, ສອດຄອງກັບກົດໝາຍ ແລະ ລະບຽບການ;
ຕິດຕາມ, ຄຸ້ມຄອງ, ຊ້ອມແຊມ ແລະ ບຳລຸງຮັກສາເຄື່ອງມື ແລະ ອຸປະກອນທີ່ຮັບໃຊ້ໃນຫ້ອງທົດລອງເປັນປະຈຳ;
ຄົ້ນຄວ້າ-ປັບປຸງອັດຕາຄ່າທຳນຽມ ແລະ ຄ່າບໍລິການ ໃຫ້ຜູ້ອຳນວຍການສູນ ເພື່ອນຳສະເໜີຕໍ່ຂັ້ນເທິງພິຈາລະນາ ແລະ ຮັບຮອງ;
ບໍລິການຄົ້ນຄວ້າວິໄຈ, ກວດສອບຄຸນນະພາບນໍ້າ ທາງດ້ານກາຍະພາບ, ຊີວະພາບ ແລະ ເຄມີ ໃຫ້ແກ່ຜູ້ຂໍໃຊ້ບໍລິການ ຈາກທາງພາກສ່ວນລັດ ແລະ ເອກະຊົນ;
ສຳຫຼວດ ແລະ ເກັບຕົວຢ່າງ ພາກສະໜາມ, ກວດສອບຄຸນນະພາບນ້ຳທັງໃນພາກສະໜາມ ແລະ ໃນຫ້ອງທົດລອງ ແລ້ວລາຍງານຜົນການວິເຄາະໃຫ້ຜູ້ອຳນວຍການສູນ ພິຈາລະນາ ແລະ ອອກໃບຢັ້ງຢືນ;
ຄົ້ນຄວ້າ ແລະ ນຳສະເໜີອຳນວຍການສູນ ເພື່ອຂໍອະນຸຍາດນຳໃຊ້ອຸປະກອນ-ເຄື່ອງມືຂອງສູນ, ການອອກໄປບໍລິການ ແລະ ໃຫ້ຄຳປຶກສາດ້ານວິຊາການທີ່ກ່ຽວຂ້ອງ ຢູ່ພາຍນອກ;
ຄົ້ນຄວ້າ ແລະ ພັດທະນາວິທີການວິເຄາະ-ວິໄຈ, ສ້າງປື້ມຄູ່ມືໃນນຳໃຊ້ເຄື່ອງມື ແລະ ການກວບສອບຄຸນະພາບນໍ້າ;
ພົວພັນຮ່ວມມື ແລະ ລະດົມທຶນການສະໜັບສະໜູນຊ່ວຍເຫຼືອດ້ານວິຊາການ ແລະ ການຄົ້ນຄວ້າ-ວິໄຈທີ່ກ່ຽວຂ້ອງ ກັບບັນດາເຄື່ອຂ່າຍພາຍໃນ ແລະ ຕ່າງປະເທດ;
ເຜີຍແຜ່ ແລະ ໂຄສະນາ ຜົນງານການຄົ້ນຄວ້າວິທະຍາສາດ ແລະ ການບໍລິການວິຊາການ ຂອງສູນຄວາມເປັນເລີດດ້ານສິ່ງແວດລ້ອມ ໃນຮູບແບບຕ່າງໆ ຕາມການມອບໝາຍຂອງອຳນວຍການສູນ ແລະ ການເຫັນດີຈາກຂັ້ນເທິງ.
